उपबाजार भाळवणी येथे गट नं.५७२/२ मध्ये बाजार समितीची ०.८० आर जागा असुन त्याठिकाणी बाजार समितीने २३ व्यापारी गाळेचे बांधकाम केलेले आहे. परंतु व्यापारी यांचे अनास्थेमुळे ते गाळे बंद होते सदर ठिकाणी बाजार समितीने नविन व्यापारी यांना अनुज्ञप्ती देवुन शेतमाल खरेदी विक्री व्यवहार सुरु केलेला आहे. त्याकरीता सदर जागेचा पुढील ५ वर्षाचा विचार करुण विकास आराखडा (ले आऊट) तयार करुन तो मंजुरीसाठी मा.पणन संचालक साहेब महाराष्ट्र राज्य पुणे यांच्याकडे पाठवुन त्यास मा.पणन संचालक साहेब यांची मंजुरी घेण्यात आलेली आहे. त्यानुसार तेथे भाजीपाला खरेदी विक्रीचे व्यवहार दैनंदिन सुरु करणेत आलेले आहेत. तसेच व्यापारी गाळ्यांसमोर ओपन शेड प्रस्तावीत आहे. पुढील काळात शासनाचे DMI योजनेतुन विविध विकास कामे करुण बाजार आवार विकसीत करण्याचा प्रयत्न करण्यात येणार आहे.
पेट्रोलपंप
बाजार समितीने उपबाजार भाळवमी येथील जागेमध्ये सन २००८/२००९ या आर्थिक वर्षात दि.१९/३/२००९ रोजी इंडियन ऑयल कागोरशन लि. या कंपनीचा पेट्रोलपंप सुरु केलेला असुन त्याठिकाणी भाळवणी परिसरातील अनेक शेतकरी, वाहन मालक, ट्रक,टेम्पो चालक,भाळवणी व आसपासच्या परीसरातील नागरीक संरथेचा पेट्रोलपंप असल्याने पेट्रोल व डिझेल खरेदी साठी येत असतात. सदर पंपासाठी सुरुवातीला घेतलेले कर्जाची वेळेवर परतफेड करुन सध्या गेल्या अनेक वर्षापासुन पंप भांडवलावर चालु आहे. बाजार समितीने त्याठिकाणी सोलर सिस्टीम बसविण्यात आलेली असुन त्यामाध्यमातुन मोठया प्रमाणात विज बिलाची बचत झालेली आहे. अहवाल वर्षात बाजार समितीने एकुण ४ लाख ६२ हजार लिटर पेट्रोल, ४४ हजार ५५० लिटर पॉवर पेट्रोल, ५ लाख ८२ हजार लिटर डिझेलची विक्री केलेली असुन त्या माध्यामातुन बाजार समितीची रु.१० कोटी ९३ लाख इतकी आर्थिक उलाढाल होवुन ३२ लाख ७० हजार इतका व्यापारी नफा झालेला आहे. तसेच तेथे दैनंदिन भाजीपाला खरेदी विक्रीचे व्यवहारांतुन रु.१ लाख १९ हजार उत्पन्न झालेले आहे.